گۆرانبێژی به‌ناوبانگی لوبنانی میریان فارس له‌چاوپێكه‌وتنێكدا باس له‌وه‌ ده‌كات كه‌ په‌یوه‌ندییه‌كانی له‌گه‌ڵ پیاواندا به‌شێوه‌یه‌كی نهێنی هێشتۆته‌وه‌.

میریام ئاماژه‌ به‌وه‌ ده‌كات ئه‌و پیاوانه‌ی له‌ ژیانیدان كه‌من, هێشتنه‌وه‌ی په‌یوه‌ندییه‌كانیشی به‌ نهێنی بۆ جۆره‌ ته‌كنیكێكی خۆی ده‌گێرێته‌وه‌ تا ئه‌و كاته‌ی یه‌كێك له‌ په‌یوه‌ندییه‌كان ده‌گاته‌ حاڵه‌تێكی جدی.

ئه‌و گۆرانیبێژه‌ ده‌شڵێت "به‌شێكی زۆری ئه‌و پیاوانه‌ی پله‌ و پۆستێكی باڵایان هه‌یه‌ لێم ده‌ترسن و ناوێرن لێم نزیك ببنه‌وه‌", به‌ڵام ئاماژه‌ به‌وه‌ هۆكاری ئه‌و ترسه‌ش ناكات.

ده‌رباره‌ی ئه‌و پیاوانه‌ی كه‌ به‌ هه‌موو شێوه‌یه‌ك لێیان دوورده‌بێت و نایه‌وێت بێنه‌ ژیانه‌وه‌, میریام ده‌ڵێت ئه‌و پیاوانه‌ی متمانه‌ی خۆیان ده‌دۆڕێنن به‌هیچ جۆرێك نایه‌وێت به‌شێكبن له‌ ژیانی.