ماوه‌ی زیاتر له‌ ساڵێكه‌ سه‌رۆكایه‌تی ئه‌نجومه‌نی دادوه‌ری هه‌رێم به‌نایاسایی ماوه‌ی پۆسته‌كه‌یان بۆخۆیان درێژكردۆته‌وه‌و پاڕێزه‌رێكیش ڕایده‌گه‌یه‌نێت،  ئه‌گه‌ر تا 15 ڕۆژی دیكه‌ ده‌ست له‌پۆسته‌كانیان نه‌كێشنه‌وه‌ سكالاَیان له‌سه‌ر تۆمارده‌كه‌ن.

به‌پێی یاسای ده‌سه‌لاَتی دادوه‌ریی هه‌رێم ده‌بوو ساڵێك له‌مه‌وبه‌ر هه‌ریه‌ك له‌سه‌رۆكی ئه‌نجومه‌نی دادوه‌ریی هه‌رێم و سه‌رۆكی دادگای ته‌میزو ئه‌ندامێكی دادگای ته‌میز خانه‌نشین بكرانایه‌، به‌لاَم تائێستا له‌كاره‌كانیان به‌رده‌وامن.

پارێزه‌ر، ئه‌حمه‌د عه‌بدولقادر به‌ KNNی ڕاگه‌یاند، به‌پێی یاسای ده‌سه‌لاَتی دادوه‌ریی هه‌رێم به‌هۆی گه‌وره‌یی ته‌مه‌نیانه‌وه‌ ده‌بوو هه‌ریه‌ك له‌ سه‌رۆكی ئه‌نجومه‌نی دادوه‌ریی و سه‌رۆكی دادگای ته‌میزو ئه‌ندامێكی ئه‌و دادگایه‌ له‌به‌رواری 24/ 2/ 2013  خانه‌نشین بكرێن به‌لاَم تائێستا له‌كاره‌كانیان به‌رده‌وامن.

ئاماژه‌ی به‌وه‌شكرد، ئه‌گه‌ر ئه‌و سێ كه‌سه‌ تا 15 ڕۆژی دیكه‌ ده‌ست له‌پۆسته‌كانیان نه‌كێشنه‌وه‌ ئه‌وا سكالاَیان له‌سه‌ر تۆمارده‌كه‌ن.