بابل؛ ژماره‌ی قوربانییانی ته‌قینه‌وه‌كه بۆ 41 كوژراو‌و 130 بریندار به‌رزبوه‌وه
-
ژماره‌ی قوربانییانی ته‌قینه‌وه‌كه‌ی شاری حله بۆ 41 كوژراو 130 بریندار به‌رزبووه‌وه و به‌هۆی سه‌ختی برینه‌كانیان ئه‌گه‌ری به‌رزبوونه‌وه‌ی ژماره‌ی كوژراوه‌كان له ئارادایه.
وه‌زاره‌تی ناوخۆی عێراق له به‌یاننامه‌یه‌كدا ئاشكرایكرد، ژماره‌ی قوربانیانی ته‌قینه‌وه‌كه‌ی دوێنێی شاری حله‌ی سه‌ر به پارێزگای بابل بۆ 41 كوژراو 130 بریندار به‌رزبووه‌ته‌وه، پێشبینی ده‌كرێت به هۆی سه‌ختی برینه‌كانیان ژماره‌ی قوربانیانی ته‌قینه‌وه‌كه به‌رز بێته‌وه.
له‌و باره‌یه‌وه به‌رپرسێكی ئه‌منی له پارێزگای بابل ئاشكرایكرد كه ته‌قینه‌وه‌كه خۆكوژی بووه و له رێگه‌ی ته‌نكه‌رێكی بۆمبڕێژكراوه‌وه له خاڵێكی پشكنین له ده‌راوازه‌ی شاری حله روویداوه و به هۆیه‌وه لانیكه‌م 30 ئۆتۆمبیلی دیكه سووتاون و زۆربه‌ی قوربانیه‌كان مه‌ده‌نی بوون و ژن و منداڵیشیان تێدا بووه.
تا ئێستا هیچ لایه‌نێك به‌رپرسیارێتی هێرشه‌كه‌ی نه‌گرتوه‌ته ئه‌ستۆ.