كیم جونگ ئون سه‌رۆكی‌ كۆریای‌ باكور له‌هه‌ڵبژاردنی‌ ئه‌نجومه‌نی‌ باڵای‌ گه‌لی‌ وڵاته‌كه‌یدا سه‌دا سه‌دی‌ ده‌نگه‌كانی‌ به‌ده‌ستهێنا.

كیم پاڵێوراو بو له‌ ناوچه‌ی‌ باكتۆی‌ وڵاته‌كه‌ی‌.

ئاژانسی‌ هه‌واڵی‌ كۆریای‌ باكور بڵاویكرده‌وه‌ كیم له‌سه‌دا سه‌دی‌ ده‌نگه‌كانی‌ به‌ده‌ستهێناوه‌ له‌و بازنه‌ی‌ هه‌ڵبژاردنه‌ی‌ كه‌ تێیدا كاندید بووه‌.

له‌هه‌ڵبژاردنی‌ ئه‌نجومه‌نی‌ باڵای‌ گه‌لدا له‌هه‌ر بازنه‌یه‌كدا یه‌ك كه‌س كاندید بووه‌.
ئه‌مه‌ یه‌كه‌م هه‌ڵبژاردنه‌ له‌سه‌رده‌می‌ كیم جونگدا ئه‌نجام ده‌درێت.

هه‌موو پێنج ساڵ جارێك ئه‌م هه‌ڵبژاردنه‌ ئه‌نجام ده‌درێت‌و ده‌نگده‌رانیش به‌ "نه‌خێر" یان "به‌ڵێ‌" ده‌نگ ده‌ده‌ن.

س؛ بی‌ بی‌ سی‌