به‌پێی راپۆرتێكی یه‌كه‌ی‌ ته‌ندروستی گشتی به‌ریتانیا، ژماره‌ی‌ ئه‌و گه‌نجانه‌ی‌ كه‌ته‌مه‌نیان له‌خوار 25 ساڵه‌وه‌یه‌‌و چاره‌سه‌ری‌ نه‌خۆشییه‌ سێكسییه‌كانیان بۆكراوه‌، له‌ماوه‌ی‌ ده‌ساڵی رابردووشدا به‌رێژه‌ی‌ له‌سه‌دا 50 زیادیكردووه‌.

له‌راپۆرته‌كه‌دا هاتووه‌ (كۆرۆنیا) كه‌ نه‌خۆشییه‌كی سێكسییه‌‌و توشی ژنان ده‌بێت له‌دیارترین ئه‌و نه‌خۆشییانه‌یه‌ كه‌رێژه‌ی‌ توشبوانی به‌شێوه‌یه‌كی به‌رچاو زیادیكردووه‌.

باسله‌وه‌ش كراوه‌ به‌رزبوونه‌وه‌ی‌ رێژه‌ی‌ توشبوون به‌نه‌خۆشییه‌ سێكسییه‌كان بۆ ئه‌وه‌ ده‌گه‌ڕێته‌وه‌ گه‌نجانی خوار ته‌مه‌ن 20 ساڵ به‌شێوه‌یه‌كی نازانستییانه‌‌و بێ ئاگایانه‌ سێكس ده‌كه‌ن‌و رێژه‌كه‌یان له‌زیادبووندایه‌.

به‌ت له‌یبه‌ر، له‌یه‌كه‌ی‌ ته‌ندروستی گشتی، ده‌ڵێت " له‌ماوه‌ی‌ سێ ساڵی رابردوودا حاڵه‌ته‌كان به‌شێوه‌یه‌كی چاوه‌ڕوان نه‌كراو زیادیكردووه‌، به‌شێكی هۆكاره‌كه‌ی‌ بۆ سیاسه‌تی شكستخواردووی‌ حكومه‌ت ده‌گه‌ڕێته‌وه‌ كه‌نه‌یتوانیوه‌ په‌روه‌رده‌یه‌كی پێشكه‌وتووی‌ سێكسی پێشكه‌ش بكات.