ڕۆژنامه‌ی ده‌یلی میلی به‌ریتانی ئه‌نجامی توێژینه‌وه‌یه‌كی نوێی بڵاوكردۆته‌وه‌ كه‌ له‌سه‌ر شتنی ده‌م و ددان ئه‌نجامدراوه‌ و ده‌ریخستووه‌ كه‌ به‌رده‌وام پاك ڕاگرتنی ده‌م و ددان, ئه‌گه‌ره‌كانی توشبوون به‌ نه‌خۆشی هه‌وكردنی جومگه‌كان كه‌مده‌كاته‌وه‌.

توێژینه‌وه‌كه‌ چه‌ند پسپۆڕێك له‌زانكۆی لوزفێڵ و قوتابخانه‌ی ددان له‌ ویلایه‌تی كنتاكی ئه‌مریكا ئه‌نجامیانداوه‌ و جۆره‌ په‌یوه‌ندییه‌كیان ئاشكرا كردووه‌ له‌ نێوان نه‌خۆشی هه‌وكردنی جومگه‌كان و ئه‌و به‌كتریایانه‌دا كه‌ هۆكاری توشبونن به‌ نه‌خۆشیه‌كانی پوك و به‌ PAD ناسراون. 

توێژه‌ره‌كان باس له‌وه‌ ده‌كه‌ن كه‌ ئه‌و به‌كتریایانه‌، جۆره‌ ئه‌نزیمێك ده‌رده‌ده‌ن و له‌گه‌ڵ پرۆتینێك كارلێك ده‌كه‌ن, پاش ماوه‌یه‌ك ده‌بنه‌ هۆی خورانی كڕكڕاگه‌ی سه‌ر جومگه‌كان, ئه‌مه‌ش هۆكارێكه‌ بۆ توشبوون به‌ نه‌خۆشی هه‌وكردنی جومگه‌كان.

ئه‌و پسپۆڕانه‌ ده‌یانه‌وێت چه‌ند لێكۆڵینه‌وه‌یه‌ك له‌سه‌ر ئه‌م بابه‌ته‌ ئه‌نجام بده‌ن, بۆ زیاتر دڵنیابونه‌وه‌ له‌ په‌یوه‌ندی نێوان ئه‌و نه‌خۆشیه‌كانی پوك و هه‌وكردنی جومگه‌كان.