|
|
|
كۆنفرانسه‌كانی گۆڕان له سۆرانه‌وه ده‌ستپێده‌كه‌ن‌و له سلێمانی كۆتایییان دێت |
|
3/10/2014 8:01:49 PM |
سبه‌ینێ كۆنفرانسه ناوخۆییه‌كانی بزوتنه‌وه‌ی گۆڕان، به دروشمی (له‌پێناو خه‌ڵكدا به‌ره‌و كۆمه‌ڵگایه‌كی شارستانی)، له قه‌زای سۆرانه‌وه ده‌ستپێده‌كه‌ن و له‌كۆتایی مانگدا به كۆنفرانسی سلێمانی، كۆتاییان دێت.
شه‌ماڵ عه‌بدولوه‌فا ڕێكخه‌ری ژووری په‌یجوریی بزوتنه‌وه‌ی گۆڕانیش به KNN ڕاگه‌یاند، له ڕۆژی 11 ئه‌م مانگه‌وه كۆنفرانسه ناوخۆییه‌كانی بزوتنه‌وه‌ی گۆڕان له 32 قه‌زاو شاری هه‌رێمی كوردستان ده‌ست پێده‌كه‌ن و تا كۆتایی ئه‌م مانگه به‌رده‌وام ده‌بن.
ڕێكخه‌ری ژوری په‌یجوری گۆڕان ڕونیشیكرده‌وه، كۆنفرانسی قه‌زاكان، به‌شێكه له ڕاسپارده‌كانی كۆنگره‌ی نیشتیمانی بزوتنه‌وه‌ی گۆڕان و خۆ ئاماده‌كردنیشه بۆ هه‌ڵبژاردنه‌كانی ئه‌نجومه‌نی نوێنه‌رانی عێراق و پارێزگاكانی هه‌رێم.
به‌پێی زانیارییه‌كانی KNN له‌دوای هه‌ڵبژاردنی په‌رله‌مانی عێراق و ئه‌نجومه‌نی پارێزگاكان, بزوتنه‌وه‌ی گۆڕان ئاماده‌كاریه‌كان بۆ هه‌ڵبژاردنی ده‌سته‌ی به‌ڕێوه‌بردنی قه‌زاكان و بازنه‌كان و باژێڕوانه‌كان ده‌ست پێده‌كات, كه به‌پێی ده‌ستوری ناوخۆیی بزوتنه‌وه‌ی گۆڕان پێویسته ساڵانه ئه‌و هه‌ڵبژاردنانه به‌ڕێوه بچن.
|
|
|
|