KNN Frequencies:
  • Nilesat: 10892 H 3/4 27500 - 11227 V 27500
  • Hotbird: 12380 V 27500
كازیا من ل زیندانا زركا بو خه‌لكی‌ هه‌ریما كوردستانی‌‌
| |
  21/05/2014

خه‌لكێ‌ شه‌ره‌فمه‌ندێ‌ كوردستانێ‌ هه‌رن بو ده‌نگدانێ‌ و گهرینێ‌ بده‌نگێت خو بكه‌ن، كاودان د به‌رژه‌وه‌ندیا هه‌وه‌دانه‌، خونه‌ده‌ن بده‌ستێ‌ قه‌ده‌رێ‌، چونكی‌ دیروك دوباره‌نابیت، ده‌م یێ‌ دبوریت و نه‌فره‌ت ل دیروكێ‌ نابیت بهێت كرن، دڤێت خه‌لكێ‌ كوردستانێ‌ هزربكه‌ن و هزروبیرێن خو بجدی‌ پێخن كاری‌ و بهه‌می‌ شیانا پشته‌ڤانیا هه‌رسێ‌ هێزێن ئوپوسزیونێ‌ بكه‌ن و به‌ره‌ف سندوقێن ده‌نگدانێ‌ و ده‌نگێن خو بده‌ن ڤی‌ به‌ره‌یێ‌ خوگوری‌ كه‌ كو به‌ره‌یێ‌ ملله‌تی‌؟!

خه‌لكێ‌ خه‌بات گیرو دلسوزێ‌ كوردستانێ‌، بویه‌رێن دیروكێ‌ و سه‌ربورێت بوری‌ وه‌سان نیشا مه‌دده‌ن و مه‌فێردكه‌ن، ل ڤان 23 بیست و سێ‌ سالێن بوری‌ هه‌ر دوو پارتێت ده‌سهه‌لاتدار دبن بارێ‌ گرانێ‌ گه‌نده‌لیێ‌ دا دارزینه‌ و چ هیڤێت هندێ‌ ل ده‌ف نه‌ماینه‌ خو ڤه‌گرن و چاكسازیان بكه‌ن و روژ بو روژێ‌ ئه‌و به‌حرا گه‌نده‌لیا ئه‌و مه‌له‌ڤانیا تێدا دكه‌ن یا كویر دبیت و به‌رفره‌ه دبیت و ئازادیێت گشتی‌ و تاكه‌كه‌سی‌ یێن دهێن بن پێ‌ كرن، یاسا یا دهێن بن پێ‌ كرن و بهایێن پیروزێن دادوه‌ریێ‌ یێن دهێن سیاسی‌ كرن و گه‌ماركرن د گه‌مارا حیزبایه‌تی‌ دا و دام و ده‌زگه‌هێن نه‌ته‌وایه‌تی‌ و نشتیمانی‌ بنه‌ماله‌ی‌ یێ‌ دناڤ بازنه‌یێن حزبایه‌تی‌ دا هاتین كوت و به‌ندكرن، سه‌رومالێ‌ گشتی‌ به‌ردوام یێ‌ دهێن تالانكرن و بخوینا دلسوزێن كوردستانێ‌ كوچ و ته‌لار و فه‌ردێن دولارێن به‌رپرسان یێن دهێن ئاڤاكرن و تژی‌ كرن؟!

روژ بو روژێ‌ فاركونێن پارتێن ده‌سهه‌لاتێ‌ یێ‌ رێكا خو به‌ردده‌ن… گرتنا رێك و رێبازێن دانه‌رێن رێ‌ یا ئازادیا گه‌لێ‌ كوردی‌ سه‌روكێ‌ باب بارزانیێ‌ نه‌مر و مام جلالێ‌ دیموكراتی‌ خواز یا دهێت جولكرن و پێ‌ شیل كرن … ئێدی‌ سه‌ركردایه‌تیا رێبازا ڤان سه‌ركردا وه‌فادارێن وان یێ‌ كێم دبن لناڤ ده‌سهه‌لاتێ‌ … رێبوارێن رێكا وان یا پیروز بزاڤا گوران و رێكخه‌رێ‌ وێ‌ كاكه‌ ناوشێروان مسته‌فا لێ‌ بوینه‌ خودان و لڤان چارسالێن بوری‌ ئه‌ڤ چه‌نده‌ دوار و كارێ‌ وان یێ‌ زور جدی‌ دا وه‌كی‌ چاڤێ‌ روژێ‌ دهێت دیتن؟!

ئه‌ڤجار گه‌لی‌ خه‌لكێ‌ شه‌ره‌ف مه‌ندێن كوردستانێ‌ بهه‌می‌ چین و تویژێن نه‌ته‌وایه‌تی‌ و دینی‌ و مه‌زهه‌بی‌ ڤه‌ … بانگا هه‌وه‌یێن هێژا دكه‌م ئه‌گه‌ر هه‌وه‌ ئازادی‌ دڤێت، ئه‌گه‌ر هه‌وه‌ دادوه‌ر و داپه‌روه‌ری‌ دڤێت، ئه‌گه‌ر هه‌وه‌ چاكسازیا ئیداری‌ و نه‌هێلانا گه‌نده‌لیێ‌ دڤێت، ئه‌گه‌ر هه‌وه‌ زه‌مانا ماف و ئه‌ركێن خویێن نه‌ته‌وایه‌تی‌ و نشتیمانی‌ دڤێت ده‌نگا به‌ده‌ن بزاڤا گوران، ده‌نگێ‌ خو بده‌ن هه‌رسێ‌ هێزێن ئوپوزسیونێ‌ ده‌نگێ‌ وه‌ ژیانه‌ و ژیان د گورانێ‌ دایه‌؟!

یێن ژیان دڤێن ده‌نگێ‌ بده‌ن لێستێن گوران و ده‌نگێ‌ من بو بزاڤا گورانه‌ چونكی‌ من ژیان دڤێت، من دڤێت هه‌می‌ خه‌لكێ‌ كوردستانێ‌ بئاشتی‌ و ئارامی‌ بژیت و دا داد و داپه‌روه‌ری‌ لڤی‌ وه‌لاتی‌ هه‌بیت و یاسا سه‌روه‌ربیت و چاكسازی‌ و پێشداجون د هه‌می‌ واره‌كێ‌ ژیانێ‌ دا درژد و به‌رده‌وام بیت؟!

كه‌س و كارێن شه‌هیدان، پێشمه‌رگێ‌ خوراگر و مێرخاس، خه‌لكێ‌ ژار و په‌ریشان و شه‌ره‌فمه‌ند ئه‌ڤه‌ 7 حه‌فت سالایه‌ بونا ماف و ئازادیێت هه‌وه‌ به‌رسینگێ‌ دادگه‌هێ‌ من چول نه‌كریه‌، بونا ماف و ئازادیێت هه‌وه‌ و به‌یان كرنا راستیێ‌ ئه‌ڤ زێده‌ی‌ دوو سال و چارهه‌یڤێن ته‌مامه‌ دیوارێن زیندانه‌ك زالم ئه‌ز راپێچایمه‌ ناڤ چار دیوارێن خو … هه‌ردیسان ئه‌ز یێ‌ ئاماده‌بونا ماڤێن هه‌وه‌، بونا ئازادیا هه‌وه‌ خوینا خو ئه‌رزان بده‌م و دوماهیك روژا ژیێ‌ خو لناڤ چار دیوارێن ڤێ‌ زیندانێ‌ دیماهیك پێ‌ بینم؟!

بلا بو هه‌ر كه‌سه‌كی‌ ئاشكرا بیت شفشێن زیندانێ‌ خو لبه‌ر په‌یڤێن من ناگرن، دیوارێن زیندانێ‌ نه‌شێن هزر و بیرێن من بن چال بكه‌ن … یێ‌ من لاشێ‌ گرتیه‌ و یێت وان هزر زیندانكرینه‌ و یێ‌ له‌ش زیندان دێ‌ هێت به‌ردان لێ‌ یێ‌ هزر زیندان كری‌ هیچ روژه‌كێ‌ ناهێت به‌ردان و لده‌مێ‌ مرنا وی‌ ژی‌ ناڤێ‌ وی‌ دگه‌ل جه‌سته‌یێ‌ وی‌ دێ‌ بن ئاخ بیت و ئیكجاره‌كی‌ به‌رزه‌بیت؟!

لێ‌ ئه‌ز هه‌ریێ‌ ساخم و ئیلا روژه‌كێ‌ ژروژان هزروبیرێن من ژی‌ دێ‌ بن ڤولكان و دێ‌ بن له‌هی‌ و هه‌می‌ گه‌نده‌لكار و هه‌می‌ یاسا شكیێن و هه‌می‌ ئه‌و مروڤێن چرایێن ئازادیێ‌ دته‌مریینن و دێ‌ دگه‌ل خودا رامالن قه‌بری‌؟!

گازیا من یا دی‌ بو وان پارتێت بجیكه‌، یێن خو بو ده‌سهه‌لاتێ‌ كریه‌ سێبه‌ر ئه‌وه‌ هوین پارتێت مه‌زن و لدیف مه‌زناهیا خو بگه‌رن د سه‌رخوهه‌لبن… چونكی‌ هوین یێن بوینه‌ سێبه‌را ده‌سهه‌لاته‌ گه‌نده‌ل خه‌لكێ‌ هه‌وه‌ یێ‌ ژ هه‌وه‌ زور بوی‌ و بلا هه‌وه‌ باوه‌ری‌ بخو هه‌بیت هوین مه‌زن و مه‌زناهیا هه‌وه‌ دهندێ‌ دایه‌ هوین خو بده‌ن دگه‌ل هه‌رسێ‌ پارتێت ئوپوسیزیونێ‌… ئه‌وان سێ‌ گوشه‌یه‌ك هه‌ڤرك به‌ری‌ دروست كریه‌ و هوین ژی‌ گوت چارێ‌ دروست بكه‌ن … باوه‌ریا من ئه‌وه‌ دڤان هه‌لبژارتنادا هوین دگه‌لێك دا و یه‌كگرتی‌ دێ‌ زێده‌ی‌ 50 % ده‌نگان وه‌رگرن و ل چار سالێن بهێت ده‌نگێن هه‌وه‌ دێ‌ بن زێده‌ی‌ 60% ئه‌فجار ئیكگرتن و باوه‌ریێ‌ بده‌ن ئێك … هه‌ردووك پارتێت ده‌سهه‌لاتدار ژی‌ ئه‌م قه‌تل و عامی‌ بوناخازین، خرابی‌ ب چ ره‌نگی‌ مه‌ بونه‌ڤێت و ئه‌و پارتێن شوره‌ش گیر و خه‌بات گیرن و هه‌رئێكی‌ كاروانه‌كێ‌ شه‌هیدان دایه‌ و ئه‌م سه‌ربه‌رزو سه‌رفرازین ب شه‌هید و خه‌باتا وان یا دیر و درێژ؟!

لێ‌ ئه‌ڤه‌ نابیت ئه‌گه‌رێ‌ هندێ‌ خه‌بات و قوربانی‌ و خوینا وان ژی‌ بكه‌ن گوری‌ كورسكێ‌ و ده‌ستكه‌فتیان و ئه‌م هیڤیان ژێ‌ دكه‌ن ئێدی‌ به‌سه‌ و بلا ل رێیا خویا راست و دروست ڤه‌گه‌رن و ده‌ست بچاكسازیێ‌ن راست و دروست بكه‌ن ئه‌و دروشمێت ئه‌و روژا ئه‌و بلند دكه‌ن كو خو ڤه‌دبیت( ئازادی‌، دیموكراتی‌، دادپه‌روه‌ری‌، سه‌روه‌ری‌)دا بلا بكه‌ن واقع و ئیدی‌ ده‌سهه‌لات و حوكمه‌ت بلا بیت ده‌سهه‌لات و حكومه‌تا خه‌لكی‌؟!

ئێدی‌ ده‌ست لناڤ ده‌ستی‌ و بدلێ‌ سافی‌ بلا ملا بده‌ن ئێك و خه‌باتێ‌ بدرستی‌ بكه‌ن و چاوان مه‌ گه‌له‌ك قوربانی‌ داینه‌، هه‌ربوی‌ ئاوای‌ بلا دگه‌له‌ك دا ده‌ستكه‌فتان ژی‌ وه‌رگرن و هه‌ر ئه‌ڤه‌یه‌ ریكێن راست و دروست و ساخله‌م و هوسان چاره‌نوسێ‌ گه‌ل و وه‌لاتێ‌ مه‌ دێ‌ یێ‌ پاراستی‌ و گه‌رنتی‌ كری‌ بیت؟!

كوردستان چاوان وه‌لاتێ‌ مه‌هه‌میانه‌، هه‌ر بوی‌ ره‌نگی‌ مه‌هه‌میان وه‌ك یه‌ك ماف و ئه‌رك تێدا هه‌نه‌ و نابیت ئاسته‌نگان بو ئێك دروست بكه‌ین… ئێدی‌ خه‌بان و به‌رخودان بلا دبه‌رده‌وام بن و هه‌می‌ خه‌لك ئیكگرتی‌ بیت و ژ بو ده‌سهه‌لاتا گه‌لی‌ و حكومه‌ته‌ك یه‌كرێزی‌ و یه‌كگرتی‌ … بژیت ئازادی‌ … بژیت دیموكراتی‌… سه‌روه‌ری‌ بو ئالایێ‌ كوردستانێ‌ … ژیان بو پارستنا خاكا پیروزا كوردستانێ‌‌و ئیدی‌ بلا ئه‌م هه‌می‌ بته‌ناهی‌ و بخوشی‌ د وه‌لاتێ‌ خودا بژین.

تێبینی:
سه‌ید ئه‌كره‌م به‌رێوه‌به‌ری‌ پێشوی‌ ئاسایشی‌ گومرگی‌ ئیبراهیم خه‌لیل له‌زیندانی (زركا)وه‌ له‌دهۆك ئه‌م بابه‌ته‌ی‌ له‌ڕۆژی‌ 20/4/2014 نوسیوه‌و به‌ده‌ستنوسی خۆی تایبه‌ت بۆ هاوڵاتی ناردوه‌.

هاوڵاتی

  301

زیاتر ...
  د.شێركۆ عه‌بدوڵا
  عه‌لی‌ حه‌مه‌ ساڵح
  کاوە محە مەد
  هه‌ڤاڵ ئه‌بوبه‌كر
   شێرزاد شێخانی
  فرمان عبدالرحمن
  کاوە محە مەد
  نەژاد جەلال
  د. سه‌ردار عه‌زیز
  کاوە محە مەد
  د. سه‌ردار عه‌زیز
123
په‌ڕه‌یله‌ 3
ژماره‌ی بابه‌ت