KNN Frequencies:
  • Nilesat: 10892 H 3/4 27500 - 11227 V 27500
  • Hotbird: 12380 V 27500
یه‌كێتی له‌ نێوان گۆڕان و پارتیدا ‌
| |
  21/05/2014

له‌ دوای واژو كردنه‌كه‌ی دوێنێوه‌ له‌ ده‌ره‌وه‌و ناوه‌وه‌ چه‌ندین دۆست و براده‌ر داوای دیدو سه‌رنجیان لێكردوم ، من بڕیارم دابوو زۆر كه‌متر له‌باره‌ی ئه‌و بابه‌ته‌وه‌ بدوێم ، به‌ڵام ناچارم به‌ كورتی دیدی خۆم ده‌ربڕم :

یه‌كه‌م : یه‌كێتی له‌م كابینه‌یه‌دا هه‌موو هه‌قێكی لای پارتیه‌ نه‌ك كه‌سی تر ، یه‌كێتی ماڵ به‌ ماڵ ده‌نگی بۆ بارزانی كۆكرده‌وه‌و كردی به‌سه‌رۆكی هه‌رێم ، ئه‌گه‌ر ده‌نگه‌كانی یه‌كێتی له‌ هه‌ڵبژاردنی سه‌رۆكی هه‌رێمدا بۆ دكتۆر كه‌ماڵ میراوده‌لی چووبا ئێستا ئه‌و سه‌رۆكی هه‌رێم بوو نه‌ك بارزانی ، هه‌موو بیرمانه‌ چۆن مام جه‌لال و مه‌كته‌بی سیاسی یه‌كێتی ماڵ به‌ ماڵ ده‌نگیان بۆ كاك مه‌سعود كۆده‌كرده‌وه‌، به‌ڵگه‌و ده‌كۆمینته‌كان ماون .

دووه‌م : به‌ پێی رێكه‌وتنی ستراتیژی یه‌كێتی و پارتی شه‌ریكن نه‌ك یه‌كێتی و لایه‌نێكی تر . ئه‌وه‌تا سه‌ره‌ڕای بوونی ئه‌و رێكه‌وتنه‌ ، پارتی نه‌ك هه‌ر ئه‌ندامی ئاسای یان كادیری ناوه‌ندی ته‌نانه‌ت سه‌ركردایه‌تی یه‌كێتیش ده‌كاته‌ پارتی .

سێیه‌م : یه‌كێتی و دكتۆر ئه‌رسه‌لان ته‌مه‌نی بارزانیان بۆ دوو ساڵی تر دایه‌ ده‌میه‌وه‌ نه‌ك گۆڕان ، گۆڕان به‌ ئاشكرا و بێپه‌رده‌ دژی ئه‌وه‌ بوو ، چونكه‌ ئه‌وه‌ ناقانونی بوو .

چواره‌م : یه‌كێتی و پارتی له‌سه‌ر پرسی گێڕانه‌وه‌ی ده‌ستورو درێژكردنه‌وه‌ی ته‌مه‌نی سه‌رۆكی هه‌رێم فسی فسیان كردوه‌ نه‌ك خه‌ڵكی تر ، ئه‌گینا ئه‌و پڕۆژه‌ ده‌ستوره‌ هه‌زار قانونییش نووسیبێتیان و هه‌زار پارله‌مانیش تێیپه‌ڕاندبێت ، سه‌لكێ‌ پیازی بۆگه‌ن ناهێنێ‌ ، به‌ڵام دكتۆر ئه‌رسه‌لان وای نه‌وت.
پێنجه‌م : گۆڕان له‌ هه‌وڵی دروستكردنی حكومه‌تا ده‌رگای به‌ ڕوی كه‌سا دانه‌خستبوو ، ئه‌وه‌ كاك مه‌لا به‌ختیار بوو ووتی ئێمه‌ جگه‌ له‌ پارتی كه‌سی تر ناگرینه‌ هاوپه‌یمان .

به‌م پێنج خاڵه‌و ره‌نگه‌ ده‌یانی دیكه‌ش هه‌بن هه‌موو هه‌قێكی یه‌كێتی لای پارتیه‌ ، یه‌كێتی ته‌نانه‌ت نه‌یتوانیوه‌ چه‌كه‌ به‌ هێزه‌كانی خۆیشی له‌ رابردودا به‌رانبه‌ر هاوپه‌یمانه‌كه‌ی به‌كار بێنێ‌ ، به‌وه‌ی هاوپه‌یمانه‌كه‌ی له‌سه‌ر ئاستی فه‌ڕمی هیچ نه‌ما به‌ پیاوێكی وه‌ك عادل مورادی نه‌ڵێن ، یه‌كێتی نقه‌ی لێوه‌ نه‌هات ، هیچ نه‌ما به‌ دكتۆر نه‌جمه‌دین كه‌ریمی نه‌ڵێن ، ته‌نانه‌ت له‌ كه‌ناڵێكی ئاسمانیه‌وه‌ ، ئه‌ندامێكی سه‌ركردایه‌تی پارتی پێی ووت دزو درۆزن یه‌كێتی قسه‌ی نه‌كرد ، ده‌یان نمونه‌ی تر ، كاك مه‌سعود به‌ ئێستاشه‌وه‌ پێشوازی له‌ ماڵباتی سه‌رده‌شت عوسمان و سۆرانی مامه‌ حه‌مه‌ نه‌كردوه‌و نه‌چوه‌ته‌ ماڵیان ، كه‌چی بۆ لێدانی مه‌كته‌ب سیاسیه‌كی یه‌كێتی پێشوازی له‌ ماڵباتی كاوه‌ گه‌رمیانی كرد .

له‌ وتارێكی چه‌ند رۆژ پێشترا مه‌لا به‌ختیار باس له‌وه‌ ده‌كات ئه‌مه‌ هه‌وڵێكه‌ بۆ پواز خستنه‌ نێوان گۆڕان و یه‌كێتی ، ناڵێت پارتی به‌ پێی هه‌موو رێكه‌وتنه‌كان هه‌قی ئێمه‌ی لایه‌ ده‌بێت بیدات .

به‌لامه‌وه‌ سه‌یره‌ ده‌وترێ‌ گۆڕان ته‌سلیمی پارتی بووه‌ ، گۆڕان به‌ نوسین و به‌ ئیمزا رێكه‌وتوه‌، سبه‌ی ئه‌گه‌ر ئه‌و رێكه‌وتنه‌ كاری پێنه‌كرێ‌ گۆڕان هیچ مه‌جبور نیه‌ درێژه‌ی پێبدات ، له‌گه‌ڵ ئه‌وه‌ش گۆڕان له‌ ده‌قی رێكه‌وتنه‌كه‌دا هه‌موو ئامانجه‌كانی چاكسازی و حكومه‌تی ناحزبی باسكردوه‌ ، بۆ ده‌بێت ئه‌مه‌ ته‌سلیم بوون بێت ، دواتر پارتی به‌لای زۆری زۆره‌وه‌ ناگاته‌ 40%ی ئه‌م هه‌رێمه‌و ئه‌و په‌ڕی 30% ه‌ ئه‌گه‌ر هه‌ڵبژاردنی پاك و بێگه‌رد بكرێت ، ئه‌وه‌ خێره‌ گۆڕان ته‌سلیمی ئه‌و رێژه‌یه‌ بێت ، كه‌ خۆی زۆری وای له‌وه‌ كه‌متر نیه‌ .

به‌ بڕوای من ئێستا یه‌كێتی پێویستی به‌ بیر كردنه‌وه‌یه‌كی قوڵترو ئاوه‌زدارانه‌ تره‌ ، پێویسته‌ قسه‌كه‌رێكی هه‌بێت ، كه‌ ئه‌وانی تر له‌گه‌ڵ رایه‌كه‌ی بن ، ناكرێ‌ هه‌ڵچێت و هه‌ركه‌س قسه‌یه‌ بكات ، لام وایه‌ پێشتریش ووتومه‌ و نووسینه‌كانم ماون ، یه‌كێتی وه‌زعی هێنده‌ خه‌راپ نیه‌ تا به‌ر له‌وه‌ی خه‌ڵك بڕیار له‌ چاره‌نووسی بده‌ن ، خۆی سه‌ری دنیای لێبێته‌وه‌ یه‌ك ، به‌ڵام نابێت ئه‌وه‌ی له‌ بیر بچێت كه‌ ئه‌و هه‌قه‌كانی لای پارتی دیموكراتی كوردستانه‌ نه‌ك بزوتنه‌وه‌ی گۆڕان یان لایه‌نی تر .

  330

زیاتر ...
  د.شێركۆ عه‌بدوڵا
  عه‌لی‌ حه‌مه‌ ساڵح
  کاوە محە مەد
  هه‌ڤاڵ ئه‌بوبه‌كر
   شێرزاد شێخانی
  فرمان عبدالرحمن
  کاوە محە مەد
  نەژاد جەلال
  د. سه‌ردار عه‌زیز
  کاوە محە مەد
  د. سه‌ردار عه‌زیز
123
په‌ڕه‌یله‌ 3
ژماره‌ی بابه‌ت